ՄԻՍՍ ԱՇԱԿԵՐՏՈՒՀԻ-2013, ԱՌԱՋԻՆ ՓՈՒԼԻ ԱՆՈՆՍԸ

http://www.youtube.com/watch?v=vK44wxGY1m0&feature=youtu.be

ԳՈՄԵՇԱՑԱՎ

Արդեն մի քանի ամիս է ինչ գոմեշը դարձել է Հայաստանում ամենառասկռուտկա արվող անասունը; Մի քանի ամիս է, ինչ մենք լսում ենք,որ ազգաբնակչությունը անտեղյակ-անտեղյակ գոմեշի միս է կերել անարատ տավարի մսի փոխարեն; Այսինքն,եթե իմանար, հաստատ կբոյկոտեր ու չէր ուտի; Հետո իմացանք,որ մինչև օրս էլ մի շարք երշիկատեսակների պատրաստման ժամանակ  գոմեշի միս են  օգտագործել; Հետո սկսեցին եթերով տարբեր ծրագրերում խոսել գոմեշի մսի օգտակարության մասին` մի շարք մեթոդներով ապացուցելով,որ գոմեշի միսը լավ էլ օգտակար միս է, ու տեղ տեղ ավելի օգտակար, քան տավարինը; Ստացվում է,որ մեք դեռ մի բան էլ գոհ պետք է լինենք,որ մեզ ամիսներ, գուցե և տարիներ շարունակ խաբել են ու գոմեշի միս հրամցրել; Էս մի քանի օր էլ ողջ համացանցում տարածվեց մեր տաղանդավոր երգչուհու նոր մեգահիթը գոմեշի մասին; Մտածում եմ,որ արդեն ժամանակն է,որ նոր ՀԿ բացվի` ասենք <Գոմեշասերների միություն>, հնարավոր է,որ նախագահական ընտրություններում սեփական թեկնածու  էլ ունենան; ՈՒմից են պակաս որ?

ՆՈՒՅՆԱԿԱՆԱՑՄԱՆ ՔԱՐՏԸ ՊԱՐՏԱՃԱՆԱՉ ՍՏԱՑՈՂՆԵՐԸ ՍՏԻՊՎԱԾ ԵՆ ԵՐԿՐՈՐԴ ԱՆԳԱՄ ԱՅՆ ՍՏԱՆԱԼՈՒ

Այն, ինչ ինձ հետ կատարվեց այսօր, վստահ եմ շուտով գլխացավանքի պատճառ է դառնալու շատերի համար; Նույնականացման քարտի դիմումը տվել եմ հոկտեմբեր ամսին, և,ըստ կարգի, ստացել եմ քարտս 15 օր հետո;,այսինքն մինչև նոյեմբերի 30-ը,որպես պարտաճանաչ քաղաքացի, հետևել եմ մեր ոչուփուչ  կառավարության հորդորներին ու ստացել <բաղձալի> էլեկտրոնային ստորագրություն պարունակող քարտը;
Իսկ այսօր պարզվեց,որ ժամերով հերթ կանգնելուց ու նյարդերս փչացնելուց  հետո ստացած քարտս կարող եմ շպրտել աղբարկղը; Իհարկե ինձ այս անգամ շատ բարեհամբույր և արագ որոշեցին սպասարկել` ի դեպ անվճար `հայցելով իմ ներողամտությունը, բայց փաստը մնում է փաստ, որ ես այսօր` դեկտեմբերի 5-ին նոր նույնականացման քարտ ստանալու դիմում գրեցի; Իսկ պրոբլեմը կայանում էր նրանում,որ ինձ քարտը հանձնելիս չէին տրամադրել հետագայում այն օգտագործելու համար նախատեսված կոդերը;
Այսինքն պետական մարմնի անփութության պատճառով` ես հայտնվեցի  նրանց իսկ նախատեսած պետական համաֆինանսավորում նախատեսող ժամանակահատվածից դուրս և այլևս չեն օգտվի այդ արտոնությունից; Չնայած մեծ հաշվով թքած նաև այդ արտոնության վրա;
Հիմա ինչ  պատասխան է տալու այդ նույն անգրագետ ու ոչ լիարժեք օրենքների նախագծեր առաջարկող կառավարության գլուխը այն պարտաճանաչ քաղաքացիներին,որոնք հենց առաջին գործարքի ժամանակ,որը կատարելու են նույնականացման քարտով, կպարզեն,որ քարտը լիարժեք չէ?

ԺՅՈՒՐԻԻ ՔԱՆԻ ԱՆԴԱՄ ԿՊՏՏՎԵՐ?

ինձ շատ հետաքրքիր է ` օրինակ, եթե Սոֆի Մխեյանը մեր <ՀԱՅԱՍՏԱՆԻ ՁԱՅՆ> նախագծում հանդես գար որպես մասնակից, ժյուրիի քանի անդամ կույր լսումների փուլում նրա ելույթի ժամանակ կպտտվեր?

ՄԻՍՍ ԱՇԱԿԵՐՏՈՒՀԻ 2013 ԱՌԱՋԻՆ ՓՈՒԼ

Նոյեմբերի 21-ին տեղի ունեցավ ՄԻՍՍ ԱՇԱԿԵՐՈՏՒՀԻ-2013 գեղեցկության եվ շնորհալիության մրցույթ փառատոնի առաջին փուլը, որը պայմանականորեն կոչվում էր ճանաչողական փուլ; Այս տարի մրցույթում,որը արդեն կազմակերպվում է 14-րդ անագամ, ընդգրկված են մասնակիցներ Հայաստանից, Ռուսաստանից և Սիրիայից; Մրցույթի կազմակերպչական աշխատանքները փայլուն կատարեցին ` դեֆիլեի ղեկավար Ռուզաննա Գալստյանը , պարուսույց` Աննա Կարապետյանը, հանդիսավար Անի Մանթաշյանը, պրոդյուսերներ` Արթուր Գևորգյանը , Աննա և Արաքսյա Օհանյանները, ինչպես նաև տնօրեն Նորա Կարապետյանը;

Բավականին ներկայացուցչական էր նաև ժյուրիի կազմը; Ժյուրիի վետերաններ ` <Ստեպ-Դենտ> ստոմոտոլոգիական կլինիկայի տնօրեն Պարգև Ստեփանյանին և լեզվաբան Անահիտ Ալեքսանյանին, արդեն երկրորդ անգամ միացել էին ընտանեկան բժիշկ Նաիրա Միքաելյանը և ՀԱՕԿ իրավաբան և փաստաբանների պալատի ներկայացուցիչ  Հասմիկ Վարդանյանը ; Ժյուրիում առաջին անգամ էին նաև մրցույթի նախկին հաղթողները ՄԻՍՍ ԱՇԱԿԵՐՏՈՒՀԻ-2005 և 2007 թթ հաղթող, իսկ այժմ ՀՀ ոստիկանության աշխատակից Լիանա Քարամյանը, և մրցույթի անցյալ տարվա հաղթող, իսկ այժմ սիրված դերասանուհի <Արմենիա> հեռուստաընկերության եթերով հեռարձակվող  <Եռաչափ սեր> երիտասարդական սերիալի գլխավոր դերակաըտարուհի ՄԻՍՍ ԱՇԱԿԵՐՏՈՒՀԻ-2012 Եվա Բաղդասարյանը; Ժյուրիում անակնկալ էր նաև հրաշալի երգչուհի փոքրիկ Դալիթայի ներկայությունը, որն այս տարի Միսս Աշակերտուհի  գրասենյակի կողմից արժանացել էր ՄԻՍՍ ԿԱՏԱՐԵԼՈՒԹՅՈՒՆ  տիտղոսին և կարծես դարձել է մրցույթի խորհրդանիշը` նա էլ իր նոր երգով բացեց մրցույթի առաջին փուլը; Ժյուրիի վերջին ներկայացուցիչները Շանթ հեռուստաընկերության երկու հիանալի նախագծերի <Հայսուպերսթարի> և <Պարիր թե կարող եսի>  հաղթողներն էին; Մեր շատ սիրելի ու տաղանդավոր երգչուհի` Սուսաննա Պետրոսյանը, և` ինչպես մրցույթի հիմնադիր Գարիկ Պետրոսյանն է ներկայացնում` տիեզերական մասշտաբի գեղեցկությամբ օժտված պարուհի ` Մարի Հովհաննիսյանը;Հենց ժյուրի այս կազմն էլ գնահատեց մրցույթի մասնակիցներին;
մրցույթի մասին այլ մանրամասները` հաջորդիվ մեր հրաշալի գործընկեր GLOBALTV.am կայքում

 http://www.youtube.com/watch?v=vK44wxGY1m0&feature=youtu.be

Հոգնայի դոզան տևում է մեկ շաբաթ

Ինձ շատ հետաքրքիր է, երբ նախագահը իր վիրահատական այցելություններն է կատարում տարբեր նախարարություններ և գերատեսչություններ, ու տեսնում,թէ ինչ ապաշնորհ գործունեությամբ են նրանք զբաղված,ինչ է մտածում մտքի մեջ?; Հետաքրքիր է նաև, թե ինչ են մտածում այդ նախարարությունների ու գերատեսչությունների ղեկավարները, երբ նախագահը ի լուր աշխարհի կշտամբում է նրանց ու մեղադրում վատ աշխատանքի մեջ? Ինձ հետաքրքիր է օրինակ վարչապետը ինչ էր մտածում մտքի մեջ? Մտածում էր արդյոք այնպիսի բաներ, որ չէր կարողանում բարձրաձայնել, թե մի կերպ էր ծիծաղը զսպում,որպեսզի շոուն ստացվի? Տպավորությունը այնպիսին է,որ այդ քլնգաժողովները տեղի են ունենում այլ մոլորակում և նախագահը հենց նոր է իմանում,որ բառիս բուն իմաստով ոչ ոք չի աշխատում, համենայնդեպս չի աշխատում ժողովրդի համար; Նախագահի այցերից հետո այդ նույն նախարարությունում մեկ շաբաթ սկսում են պատժել ինչ որ մարդկանց ու հետո էլի նույն ճահիճը, նույն կոռուպցիան ու նույն հանցավոր անգործությունը`; Փաստորեն ձևական հոգնայի դոզան տևում է մեկ շաբաթ ; 
   Բայց կա մի փաստ,որ անհերքելի է; Նախագահ` մենք վատ ենք ապրում, մենք շատ վատ ենք ապրում, մենք այնքան վատ ենք ապրում ու այնքան ստորացած ենք, որ անգամ վաճառում ենք մեր վերջին ունեցածը որպեսզի փախչենք այստեղից, որովհետև մենք անտանելի ենք ապրում, սա քեզ ասում է այն ժողովուրդը, որի ձայների  ճնշող<մեծամասնությամբ> դու ընտրվել ես նախագահ, ու վստահ ես որ էլի ընտրվելու ես;

ուժեղ մասնակիցներ և թույլ ժյուրի

Երեկ Արմենիա հեռուստաընկերության եթերով դիտեցի <Հայաստանի ձայն> նախագիծը; Անկեղծ ասած մասնակիցները իրոք ինձ զարմացրին իրենց որակներով; Իրոք շատ հավանեցի; Մասնակիցները այնքան լավն էին,որ մտածում էի պետք է ժյուրին էլ կոմպետենտ լիներ; Սոֆի ջան, եթե ինձ հարցնեն իմ հավանած հայ երգչուհին ով է? դու հաստատ կլինես առաջին եռյակում; Ես քեզ շատ եմ սիրում, այդ իսկ պատճառով էլ կխնդրեի,որ դուրս գաս ժյուրիի կազմից; Ինձ թվում է,որ երեկ դու ինքդ դա պետք է զգայիր; Դու լավ երգչուհի ես, բայց հավատա որ նախագծի մասնակիցները ձայնային տվյալներով գերազանցում էին քեզ; Ընդհանրապես ժյուրիի կազմը ինձ թվում է պետք է փոխվի որպեսզի երեկվա նման չհայտնվի անհարմար դրության մեջ;

թող բոլոր նախարարները մտնեն facebook

Անկեղծ ասած ես շատ ուրախ կլինեմ, որ մեր բոլոր նախարարները իրենց աշխատանքային ժամերին մտնեն սոցիալական ցանցեր; Մտնեն ու էլ դուրս չգան, որովհետև նրանց անգործությունը այս պահին ավելի մեծ օգուտ կբերի մեզ, քան նրանց ապաշնորհ գործունեությունը

Ավելի լավ չէր մնար Հայստանում, ավարտեր ինստիտուտը և դառնար համբալ?

17 տարի առաջ քեռուս տղան ընդունվեց  ինստիտուտ,բայց սեպտեմբերի-1ին ինստիտուտի փոխարեն գնաց օդակայան և հեռացավ Հայաստանից; Մեկ շաբաթ առաջ վերադարձավ և մի քանի օրով հյուրընկալվեց մեր տանը; Պարզվեց, որ ԵՎրոպայում ունի սեփական գիշերային ակումբ և խաղատուն; Մի կողմից ուրախացա, իսկ մյուս կողմից տխրեցի; Հիմա մտածում եմ ինչքան լավ կլիներ, որ մնար Հայստանում, ավարտեր ինստիտուտը և դառնար համբալ, քան ԵՎրոպայում ապրեր բարեկեցիկ կյանքով

ՊԱՐԻՐ ԹԵ ԿԱՐՈՂ ԵՍ ԱՅՍ ՀՆԴԻԿ ՏՂԱՅԻ ՆՄԱՆ ՊԱՐԵԼ

Ահա թե ինչպես է այս նախագիծը  անցկացվում Հնդկաստանում,որտեղ մասնակիցները հաղորդման ռեյտինգը ապահովում են պարային որակներով, այլ ոչ թե ժյուրիի կամ կիսախելագար մասնակիցների տափակ հումորներով`

ՋԻՄԻԻՆ հանեցին օդերով

Երկու պարողներն էլ տղաներ են; ՈՒ այնպես են պարում, որ ժյուրիի կազմում գտնվող հանրահայտ Ջիմին <Միտհում Չակրոբորտին> բարձրանում է սեղանի վրա: Ես մինչև հիմա մտածում էի, որ վրացիները պարում անգերազանցելի են, բայց հիմա.......

Երևանի տոնին Վերա Բրեժնևան ավելի լավ ելույթ ունեցավ ռուսական ОРТ հեռուստաալիքով

Երբ հրապարակում հավաքված ժողովուրդը անհամբեր սպասում էր Վերայի <ինչպես վերջում պարզվեց անհամ ու անգույն> ելույթին , ռուսական հեռուստաալիքի եթերով հեռարձակվող ՈՒՀԱ-ի մրցույթի ժամանակ նա իրոք հիանալի ելույթ ունեցավ;

ԼՈԻՐՋ ԽԱՂԻՑ ԱՌԱՋ ԶԻԼԻՆԱ ԽԱՂԱԼ ՊԵՏՔ ՉԻ

Ես չեմ հասկանում հերիք չի դուք կարևորը երկրորդականից չտարբերեք?; Էս ինչ վայնասուն եք գցել; Էդ ով է ասում,որ եթե մարդիկ գնացել են Իտալիայի հավաքականին դիմավորելու, էդ նույն մարդիկ մարզադաշտում Հայաստանին չեն երկրպագելու? Որ հիմարը կկանգնի մարզադաշտում ու Իտալիա կգոռա; Մի քիչ տրամաբանեք էլի: Սա ինչ կապ ունի թասիբի հետ? Թասիբի հետ էն կապ ունի, որ բուլղարիայում բուլղարացիները մարզադաշտում մեր ուղղությամբ գոռում էին գնչու, ու մենք նույն եռանդով գնանք նրանց դիմավորելու; Այ դա սիրուն բան չի լինի; Իսկ իտալացիներին մեզնից շատերը երկրպագում է, բայց բոլորս էլ ուզում ենք, որ մեր հավաքականը Իտալիայի <ջարդը> տա; Դա էլ է փաստ; Կամ էլ այս պահը կապել թուրքական զգեստների հետ լրիվ անհեթեթություն է; Այո շատերը թուրքական զգեստ են հագնում; Դե կներեք էլի, որ մենք օլիգարխ չենք, որ Թումանյանի վրայի խանութներից օգտվենք` ինչի հնարավորություն կա, դա էլ գնում են; Հետո ով է ասել, որ, եթե զգեստիդ վրա Իտալիա կամ Անգլիա է գրած, ուրեմն հաստատ թուրքական չի;Մի ժամանկ էլ իտալական կոշիկ էին գովազդում, հետո պարզվեց, որ կոշկակար Գագոյի գործերն են; Փոխանակ Աստված կանչենք, որ այսօր հայերը հաղթեն, ընկել եք մանկական զիլինաների հետևից; Մեր թիմին էդ հիմարություններով դրական լիցք չենք տա` առանց այն էլ դժվար խաղ է լինելու; Բոլորս դեպի մարզադաշտ` թող Իտալիան տեսնի, որ մենք և բարեհամբույր ենք, և ահավոր նվիրված մեր թիմին;Իսկ թիմին մաղթենք միայն հաղթանակ;

ՄԻՍՍ ԱՇԱԿԵՐՏՈՒՀԻ-2013-Ի ՄԵԿՆԱՐԿԻՆ ՄՆԱՑ ՄԻ ՔԱՆԻ ՕՐ

ՈՒՇԱԴՐՈՒԹՅՈՒՆ
1-Ինից-12-րդ դասարանցի աշակերտուհիներին
GARRIS SG-ը հրավիրում է ձեզ մասնակցելու
<ՄԻՍՍ ԱՇԱԿԵՐՏՈՒՀԻ>
գեղեցկության և շնորհալիության 14-րդ միջազգային մրցույթ փառատոնին; Մասնակցության հայտերը ընդունվում են մինչև հոկտեմբերի 22-ը Եզնիկ Կողբացու-69 հասցեով հեռախոս--53-71-13

Քաղաքական գովազդ

Ամբողջ աշխարհում չկա ՀՀԿ-ի նման Միահամուռ, միակուռ կուսակցություն; Սա միակ կուսակցությունն է աշխարհում, որի անդամները բացարձակ չունեն սեփական կարծիք, որը դույզն ինչ կտարբերվի առաջնորդի կարծիքից; Այսինքն կուսակցության յուրաքանչյուր անդամի կարծիքը ցանկացած աբսուրդային հարցադրման ժամանակ 100 տոկոսով համընկնում է առաջնորդի կարծիքի հետ; Այս կուսակցությանը կարող էր նախանձել նախկին Կոմունիստական կուսակցությունը ;  Այս կուսակցությունը մի հզոր մեքենա է, որի ոչ մի դետալ, չի կարող աշխատել առանց շարժիչի հրամանի, բայց որում յուրաքանչյուր դետալ իրեն զգում է առանձին մեքենա; Եթե վաղը առաջնորդը որոշի, որ բոլորը պետք է քաչալանան, ապա մեկ ժամ անց բոլոր անդամները միահամուռ կքաչալանան, ու նրանցից յուրաքանչյուրը կբացատրի իր արարքը` դարի հրամայականով; Այստեղ չկան անսխալ ու թերի մարդիկ, սրանք նոր կյանքի առաքյալներ են, որոնց մոտ Նիցշեն, Էյնշտեյնը ինչու չէ նաև Գյոթեն ` ընդամենը  աշակերտներ են; Նրանք փայլում են մտքի փայլատակումներով; Նրանք կարող են համամարդկային արժեքներին վերաբերվող ցանկացած հարցին աբսուրդային մոտեցումներ ցույց տալ, և , որ ամենակարևորն է, արդարացնել իրենց քայլերը` ամենաանհավանական բացատրություններով, և ամենահետաքրքիրն այն է, որ այդ ամենը չի առաջացնում նրանց մոտ հիստերիկ ծիծաղ;
 Այդուհանդերձ մեծ խնդրանք ունեմ ապագա այն կուսակցությանը, որը կազմելու է մեծամասնություն մեր խորհրդարանում`  < Հիշեք նրանցից յուրաքանչյուրին, հիշեք նրանց արածները; Երբեք նրանց թույլ չտաք  համալրել ձեր կուսակցության շարքերը, որվհետև իշխող կուսակցություններին անդամագրվելը նրանց բնավորության հատկանշական գծերից մեկն է ; Երբեք մի փոխեք նրանց գաղափարները, քանզի նրանք գաղափարական գիգանտներ են, ուղղակի ձեռքի հետ մի քանի կուսակցություն են փոխել, և , ի վերջո, իրենց գաղափարական էյֆորիան են ապրում սիրելի կուսակցությունում, պետք չի նրանց զրկել իրենց կուսակցությունից, ինչքան էլ նրանք աղաչեն; >
Ես մի բան եմ ուզում հասկանալ` էդ ոնց ա հնարավոր, որ մի, թեկուզ անասուն հարցի շուրջ, էդքան առողջ տղամարդ ունենա նույն կարծիքը?

աշխարահռչակ Լիլուն հեռանում է աշխարահռչակ Շպռօտի մոտ

 

<<<Փաստորեն Լիլուն էդքան լուրջ ու կարեվոր դեմք ա հա? Մի ուրիշ կարգի հայկական շոու բիզնեսի դեմքերից ա հա? ԷՆ ամենազիլ երգչուհիներից ա հա? Առավոտվանից բոլոր կայքերը Սիրիայի պատերազմին հավասար ողբում են նրա Հայաստանից անժամանակ հեռանալու մասին; Հեռանալը քիչ չի` կարևորը մի ուրիշ կարգի զիլ երգչուհի Շպռօտի մոտ ա հեռանում; Մեղմ ասած ողբում եմ Ձեր վրա; Էս կարգի եք անհամացել?>>>>

Հենց նոր էի գրել նյութը, կայքերը սկսեցին Լիլույի շուրթերով հերքել այս նորությունը ես չեմ հասկանում միթե կարելի է այսքան դեբիլ լինել; մինչև Ձեր հիմար նորությունները գրելը ինչու չեք ճշտում; Եթե էդքան պարապ եք առաջարկում եմ վաղը ամբողջ համացանցով սկզբից հաստատեք հետո հերքեք հետևյալ լուրերը` 1-Արման Բարդումյանը որոշել է գարեջրի գործարան բացել 2-Մգերին սպայական կոչում են տվել 3-Ջուսը որոշել է կին դառնալ և այլն....

տոն ԱՌԱՆՑ ԴՐԱՄԱՀԱՎԱՔԻ

Այսօր տոն է և միամիտ ծաղկավաճառները միանգամից կրկնակի թանկացրել են ծաղիկների գները; Այս ծաղկավաճառները երևի չեն հետևում մամուլին և հեռուստատեսությանը և կուրսի չեն, որ նախարար Աշոտյանի հրամանով դպրոցներից իսպառ վերացվել է դրամահավաքը: Բոլոր դպրոցների ՏՆՕՐԵՆՆԵՐԻՆ անխտիր հրահանգվել է, որպեսզի ուսուցչի տոնի առթիվ, հանկարծ և հանկարծ գումար չհավաքվի, և նվերներ չգնվի, անգամ դպրոցի հավաքարարները թուղթ են ստորագրել, ըստ որի պարտավորվում են դասասենյակները մաքրել անվճար; Խեղճ ծաղկավաճառները ինչ իմանային այս նոր ու կարևոր օրենքի մասին; Վերջապես մեր երեխաներին ու նրանց ծնողներին դպրոցում չեն քամի; ԵՎ սա առաջին տարին կլինի, որ մեր բալիկները յուրաքանչյուրը  դպրոց չի տանի 1300---5000-ական դրամ` նայած դպրոցի և տնօրենի կալիբրի, որպեսզի տնօրենին` ամբողջ դպրոցով < ընդհանուր նվերի գինը այս տարի տատանվել է 1000--3000 դոլլարի սահմաններում>, իսկ ուսուցիչներին` ամեն դասարան սեփական   < դասղեկներին- 100-300, մնացյալներին`  5000--15000 դրամի սահմաններում>  ՆՎԵՐ ՄԱՏՈՒՑԻ:
Տոնդ շնորհավոր ուսուցիչ; Միևնույն է դու արժանի ես այդ նվերներին, դու իրոք արժանի ես ավելիին, ուղղակի երկրի սոցիալական վիճակը ստիպում է, որ նվերները այսքան համեստ լինեն, ու մենք հո գիտենք, որ ոչ մի նախարար, ինչքան էլ երազի, դպրոցում չի վերացնի այս <հրաշալի> ավանդույթը

թուրքը քրիստոնյա չի, որ մի այտին ապտակես, մյուսը դեմ տա

Թուրքական պառլամենտը արտոնել է կառավարությանը պատերազմ սկսել; Բոլորս գիտենք նախապատմությունը և յուրաքանչյուրս էլ կարողանում է որոշակի վերլուծություններ կատարել; Ես փորձում եմ այս ամենին նայել այլ կողմից;  Այս պահի դրությամբ խեղճ ու կրակ Սիրիան մի քանի արկ է <պատահմամբ> գցել Թուրքիայի սահմանամերձ տարածք, և դրա հետրանքով 5 թուրք է զոհվել; Սրանք էլ ոչ տարել ոչ բերել պատերազմ են սկսել էդ խեղճ ու կրակների դեմ; Պատերազմ որն ա? մենք հո գիտենք ,թե Թուրքիան ոնց մի քանի օրում կշնչի ողջ Սիրիային; Հիմա հարց եմ տալիս` ինչու էդ չարաբաստիկ արկերի ընկնելուց հետո Թուրքիան մի քանի շաբաթ ոտքը կախ չգցեց? մի հատ սպասեր տեսներ այդ պատմությանը ինչ արձագանք են տալիս ԵԽՄ-ն  ԵՄ-ն, Պենտագոնը, ՆԱՏՕՆ, ԱՊՀ-Ն, Մինսկի խումբը, Մոզամբիկը, ֆլանը ֆստանը, մի հատ զգար, թե ինչպես են դատապարտում, հորդորում, ֆլանում ֆստանում; Մի հատ իշխող կուսակցության երիտ թևը  լոլիկներով, տոմատով նախշեին Սիրիայի դեսպանատան շենքը, դիվանագիտական հարաբերությունները միակողմանի սառեցնեին ու էդ իրանց դիվանը մի քանի ամիս քշեին,,,, Ինչի էդպես չեղավ? Հա երևի մուսուլման են դրա  համար` ջղայնացան ու ասեցին` ՀԼԸ ՀՈՊ,,, Էս ում վրա եք արկեր գցում?ու սկսեցին իրենց մորթը;; ՀԻմա առաջին հարցից բխում է երկրորդը`  Աստված չանի ու էս բաշիբոզուկները մեր տարածքի վրա մի պատահական արկ գցեն, մենք ինչ ենք անելու? Մենք, որ տարածաշրջանում ամենահզոր ու կազմակերպված բանակը ունենք: Սպասելու ենք ՀԱՊԿ- արձագանքին? թե վերոնշյալ ախմամխ միությունների վերաբերմունքին? թե բաշիբոզուկ-ի նոր հոմանիշներ ենք գտնելու, արտակարգ նիստ ենք հրավիրելու ու տոմատներով Թուրքիայի դեսպանատուն ենք գնալու? Հաաաա  Թուրքիայի հետ մենք ախր դիվանագիտական հարաբերություններ չունենք? Բա ինչ ենք անելու?
Ամեն ինչ շատ ավելի ահավոր է, քան ներկայացվում է; Մեր համար անցանկալի պատերազմական ճակատը կարող է բացվել ամենևին այլ տեղից;;

ՄՈՌԱՑԱՆՔ ՎՐԱՍՏԱՆՈՒՄ ԽԵՂԴԱՄԱՀ ԱՐՎԱԾ ՓՈՔՐԻԿ ՀԱՅՈՒՀՈՒՆ?

Հետևյալ նյութը կարդալուց հետո նյարդերս տեղի տվեցին; Մի քանի օր էր պետք ուշքի գալու համար,,

Սեպտեմբերի 30-ին Վրաստանի Կախեթի տարածաշրջանի Կոլագի գյուղում հայտնաբերվել է ժամեր առաջ կորած 10-ամսեկան հայ Բարբարա Ռաֆայելյանի դին։

Ինչպես փոխանցում են վրացական զլմ–ները, երեխան, ում մորաքույրն ընդդիմադիր «Վրացական դաշինքի» ակտիվիստ է, գտնվել է ջրով լի կարասում, որի բերանը ծանր քարով է ծածկված եղել։

Երեխայի ծնողները գտնվում էին առանձնատան առաջին հարկում, երեխան քնած էր երկրորդում։ Բարբարայի մարմինը հայտնաբերվել է առանձնատան նկուղում։ Ծնողների պնդմամբ, երեխան ինքնուրույն նկուղ իջնել չէր կարող, քանի որ երկրորդ հարկից առաջին տանող միակ ճանապարհն առաջին հարկով անցնող աստիճանն է, ուր նրան անպայման կնկատեին։

Երեխայի ընտանիքը պնդում է, որ երեխայի սպանությունը վրեժ է իր ընտանիքի անդամների քաղաքական դիրքորոծման համար։ Գյուղի բնակիչները, 10-ամսեկան երեխայի սպանության կապակցությամբ իրենց զայրույթն արտահայտելով, փորձել են փակել Կախեթիի ճանապարհներից մեկը, սակայն ոստիկանությունը թույլ չի տվել նրանց անել դա։

Նյութը՝ Emedia.am-ից

Հիմա ինձ հետաքրքիր է, թե ինչու մենք այս դեպքին չարձագանքեցինք? Հարցս հատկապես ուղում եմ մեր սուտ ակտիվիստներին; Ինչու?, որովհետև այս փոքրիկը Հայաստանի քաղաքացի չէր? թե, որովհետև նրան մի ազերի կամ թուրք չէր սպանել? Դուք զգում եք, թե մենք ուր ենք հասել? Ինչու չեք ցույց անում երիտասարդ ՀՀԿ-ականներ? Ինչու լոլիկներով վրաստանի դեսպանատան պատերին չեք խփում? Լոլիկն ա թանկացել, թե Պապան չի հրամայել? Թե վախենում եք, որ Ձեր սիրելի վրացի եղբայրն էլ հանկարծ ձեզ Ձեր արժանի տեղը չուղարկի? Էս չեք?   Դուք միայն լալահառաչ բղավում եք, երբ ձեզ դա հրամայում են; Ամեն տարի Ռուսատանում ազգային պատկանելիության պատճառով հայեր են սպանվում, Վրաստանում ընտրությունների օրը 10 ամսեկան հայուհի է խեղդամահ արվում, ու դուք բացի գլուխներդ տմբտմբացնելուց այլևս ոչինչ չեք կարող ձեռնարկել; Մի քանի օրից հերթով կսկսեք պաշտոնապես և ոչ պաշտոնապես շնորհավորել Ձեր վրացի գործրնկերներին, շատ հնարավոր է, որ անգամ մեդալներ ուղարկեք Վրաստան, որովհետև մինչ օրս չեք հասկանում որ վրացին ադրբեջանցուց տարբերվում է միայն կրոնական հայացքներով` հատկապես այն ժամանակ, երբ խոսքը վերաբերվում է հային,,,

ՄԱՆԿԱԿԱՆ ԵՎՐԱՏԵՍԻԼ-2012

 Երեկ կայացավ մանկական Եվրատեսիլի  Հայաստանը ներկայացնող փոքրիկ երգչի ընտրությունը; Համոզված եմ,որ շատերի ուշքն ու միտքը ընտրության արդյունքներն էին, բայց անկեղծ ասած, ոչ թե հաղթողին իմանալու համար, այլ նոր սկանդալի; Այս թեման վերջին շրջանում բավական ակտուալ էր և անտեղի մեղադրանքներով լեցուն; Իմ նյութերից մեկում ես արդեն անդրադարձել էի թեմային և խնդրել, որ չարակամները չխառնվեն այս խնդրին` համոզված լինելով  Գոհար Գասպարյանի արհեստավարժության վրա; Հիանալի շոու էր, փայլում էր և Գոհարը և Դալիթան, որը ամենևին էլ չէր ընկճվում իր նոր ամպլուայում; Անկեղծ ասած երգերի ընտրության վերաբերյալ կարծում եմ, որ անցյալ տարիներին երգերը ավելի որակով էին, չնայած սա իմ սուբյեկտիվ կարծիքն է; ՈԻրախ էի բեմում տեսնել և Լիդուշիկին, և Մարիա Ենոքյանին, որն իմ ամենասիրելի սաներից է,Միլիին, որի զգեստի դիզայնը շատ գեղեցիկ էր և իհարկե Դալիթային որը փայլում էր բեմում և իր գեղեցկությամբ, յուրահատուկ ոճով և շատ ճաշակով զգեստի ընտրությամբ, ուրախ էի բոլոր մասնակիցների համար; Նկատում էի Անգելինայի լարվածությունը, ռոքում առաջին քայլերը կատարող փոքրիկի հուզմունքը, իսկ  «Compass band»-ի-մեներգչի  և Վահագն Գրիգորյանի բավականին յուրահատուկ կատարումները ինձ ուղղակի զարմացրին և այս երկու վերջին երգերից դժվարանում էի ինձ համար ընտրություն կատարել; Երկուսն էլ լավն էին: Ի վերջո քվեարկությունը ավարտվեց և հենց «Compass band»-ն էլ հաղթեց; Մեր սկանդալասեր լրագրողներից շատերը այսօր լռեցին և նրանց արդեն պատրաստած հարձակողական նյութերը հօդս ցնդեցին, իսկ մյուսներիս մնում է միայն շնորհավորել մեր բալիկներին և հատկապես Գոհարի Գասպաչյանին, որը մեկ անգամ էլ ապացուցեց, որ իր ղեկավարած մրցույթը իրոք արդար է և մինչ օրս չի հիասթափացրել մեզ; Նորանոր հաղթանակներ եմ մաղթում մեր մանուկներին,իսկ բոլոր նրանց, ովքեր այս տարի չհաղթեցին խորհուրդ եմ տալիս չընկճվել, ամեն ինչ առջևում է; ԵՎ միշտ հիշեք` քանի դեռ մեր ազգը ծնում է ձեր նման տաղանդավոր

բալիկների, մենք երկար ենք գոյատևելու և հաղթանակներ տոնելու աշխարհի բոլոր բեմահարթակներում

ստորև ներկայացնում եմ հաղթանակած երգը