ԷԶՈԹԵՐԻԿՆ ԷՐ ՊԱԿԱՍ, ԷՆ ԷԼ ԷՇՈՎ ԵԿԱՎ

Ես լրիվ հասկանում եմ,որ հայկական հեռուստաալիքները սերիալային աղբից, իրական պատկերը լրիվ աղավաղող լրատվական ծրագրերից, անտաղանդ ու ապաշնորհ երաժշտական տեսահոլովակներից, միշտ նույն հյուրերին հրավիրող ժամանցային ծրագրերից, ուրիշի անկողին ու զուգարան մտնող թոկ շոուներից զատ գոնե մեկ-մեկ պետք է լուրջ ծրագրեր ցուցադրեն, բայց որ փուչիկ քաղաքագետներից անմիջապես հետո մեր լրատվականները լուսաբանում են արդեն էզոթերիկներին, դա հումորի գագաթնակետն է; Ամբողջ օրը իրենց պատեպատ են տալիս աղանդների դեմ պայքարելով  (իրականում անգամ չիմանալով որն է աղանդը), բայց ցուցադրում են ինչ որ բախտագուշակների կանխատեսումները;Ես կհասկանայի,եթե դա արվեր ասենք քոպի-փաստ նախագծերում, բայց լրատվական հաղորդման ժամանակ? Մի քանի օր առաջ տեսնում եմ` ծրագրի հյուր են հրավիրել մարդու, որին ես անձամբ ճանաչում եմ ու գիտեմ,որ մասնագիտությամբ` <խադավիկ> ա, բայց այդ ծրագրով հանդես է գալիս, որպես հանրահայտ դիզայներ;Ես չեմ հասկանում դուք,որ մեկին հրավիրում եք, չեք ճշտում,թե այդ մարդը իրականում ով է;Դուք ընդհանրապես ճշտել եք, թե էդ ձեր կողմից գովազդվող էզոթերիկը,որտեղ է ստացել իր կոչումը,որտեղ է սովորել?, թե տանը նստած մի քանի գիրք կարդալով իրեն հռչակել է ամենայն հայոց էզոթերիկ ու աջ ու ձախ կանխատեսումներով խզարում է;Մի քանի ամիս առաջ էդ էզոթերիկը Բաքուն իջացրեց ջրի տակ,բանկերը սնանկացրեց ու էլի էդպիսի աբսուրդ բաներ, բնականաբար կանխատեսումներից ոչ ոք չիրականացավ, ու փոխանակ հանրությունից ներեղություն խնդրեր սկսեց մի քանի բարդ բառեր իրար կապելով նոր ասուլիսներում ելույթներ ունենալը;